حيدرآباد جي تاريخ ۾ پھريون ڀيرو گرلز ڪراٽه ٽيم عالمي مقابلي ۾ حصو وٺندي
حيدرآباد(چيف رپورٽر)حيدرآباد جي تاريخ ۾ پھريون ڀيرو گرلس ٽائيڪونڊ ڇوڪرين جي ڪراٽه ٽيم قطر ۾ ٿيندڙ ٽئين عالمي ڪراٽه مقابلي ۾ پاڪستان جي قومي ڪراٽه ٽيم طور حصو وٺنديون، ان سلسلي ۾ حيدرآباد ڊويزن ٽائيڪوانڊو ايسوسيئيشن جي طرفان نمائندگي ڪندڙ ٽيم جي ڪوچ عالمي ڪواليفائيڊ عبدالرحيم خان، ٽيم مينيجر انٽرنيشنل ريفري ۽ ڪوچ خرم رشيد خان قطر ويندڙ ٽيم جي رانديگرن ۽ رانديگرياڻين سان گڏ حيدرآباد پريس ڪلب ۾ پريس ڪانفرنس ڪندي چيو ته 21 کان 24 آڪٽوبر تائين قطر جي راڄڌاني ۾ ٽيون عالمي ڪراٽه چيمپيئن شپ ٿي رھيو آھي، جنھن ۾ پاڪستان جي ٽيم جي ذميواري حيدرآباد کي ڏني وئي آھي، ملڪي تاريخ ۾ پھريون ڀيرو حيدرآباد جي ٽيم 19 آڪٽوبر تي دوھا پھچندي ۽ عالمي ڪراٽي جي مقابلي ۾ حصو وٺندي، ھنن چيو ته ٽيم ۾ اڪثريت حيدرآباد ۽ باقي سنڌ جي ٻين شھرن سان تعلق رکندڙ رانديگرن تي ٻڌل آھي، ھنن چيو ته ھن عالمي ڪراٽه مقابلي ۾ دنيا جي 25 ملڪن مان 17 سئو رانديگر حصو وٺي رھيا آھن. اسان پاڪ آرمي ۽ ميئر حيدرآباد ڪاشف شورو جا ٿورائتا آھيون. جن اسان جي ٽيم سان ڀرپور سھڪار ڪيو آھي.